Расея падазрае Менск у рээкспарце санкцыйных таматаў з Турцыі


У Расеі перакананыя, што, нягледзячы на ​​існуючую забарону на ўвоз турэцкіх памідораў, гародніна з Турцыі трапляе на расейскія прылаўкі праз Беларусь.

Пра гэта піша газета «Московский комсомолец».

«Змена геаграфіі паставак турэцкіх таматаў засталося ў асноўным на паперы. Фактычна трохі ўскладніліся лагістычныя ланцужкі, але пункты канчатковага прызначэння засталіся ранейшымі. Гэта і Расея ў тым ліку, – адзначае член Гандлёва-прамысловай палаты Ганна Воўк. – Асноўны рост экспарту таматаў з Турцыі прыйшоўся на Беларусь, але большая частка гэтых таматаў рознымі спосабамі трапляе ў Расею. Менавіта таму ў мінулым годзе Беларусь у 4 разы павялічыла закупкі турэцкіх памідораў».

Толькі ў I квартале 2017 года беларусы закупілі ў туркаў гэтай прадукцыі на 32,4 млн. USD. Беларускі рынак, які і так перанасычаны пастаўкамі памідораў з Еўропы, плюс уласная вытворчасць, не зможа цалкам спажыць турэцкія таматы, лічыць аналітык «Аларо брокер» Кірыл Якавенка.

«Абʼёмы паставак таматаў з Турцыі ў Расею складалі 440 тысяч тон. Калі ўсе гэтыя таматы сапраўды лінуць на рынак Беларусі, ён не зможа забяспечыць гародніна попытам, і іх кошт будзе вельмі нізкай для аптавікоў».

 

ІІ, belsat.eu

Глядзі таксама
Каментары