Гэтае пытанне паднялі на нарадзе Міністэрства сельскай гаспадаркі Расеі 13 красавіка.
На думку расейскіх чыноўнікаў, стварэнне транспартных калідораў для імпартных і экспартных паставак сельскагаспадарчай і харчовай прадукцыі маршрутнымі рэфрыжэратарных цягнікамі ў напрамку Узбекістана, Таджыкістана, Азербайджана, Ірану і Беларусі дазволіць абмежаваць рээкспарт забароненых тавараў праз Казахстан, Азербайджан і Беларусь.
Міністр Яўгеній Непаклонаў лічыць, што стварэнне гэтых калідораў таксама спрасціць мытнае і ветэрынарна-фітасанітарнае суправаджэнне, падатковае адміністраванне грузаў, забяспечыць бяспеку і якасць прадукцыі ды павялічыць абʼёмы экспартных паставак.
Без таго няпростыя стасункі Беларусі з «Рассельгаснаглядам» сапсаваліся яшчэ больш на пачатку лютага. 3 лютага Лукашэнка падчас размовы з журналістамі не выключыў магчымасці завядзення крымінальнай справы супраць кіраўніка расейскага кантрольнага ведамства за тое, што той наўмысна шкодзіць Беларусі. Данкверт у сваю чаргу параіў Менску навесці парадак на прадпрыемствах.
28 сакавіка Рассельгаснагляд увёў новыя абмежаванні і забараніў пастаўкі прадукцыі з двух прадпрыемстваў Беларусі. У тым ліку, у чорны спіс у чарговы раз трапіла малочная кампанія «Бабушкина крынка».
ДР belsat.eu