Аўтара перакладу фрагменту тэлешоу «Last Week Tonight with John Oliver» грамадзяніна Расеі Сямёна Кочкіна аштрафавалі за распаўсюд відэароліка пад назваю «Как чеченские девушки надули боевиков ИГИЛ». У роліку ёсць кадры са сцягам «Ісламскай дзяржавы».
Суд гораду Чэбаксары палічыў, што публікацыя відэа, на якім ёсць сцяг тэрарыстычнай арганізацыі, з’яўляецца распаўсюдам экстрэмісцкай сімволікі.
Відэа Кочкін апублікаваў яшчэ ў 2015 годзе ў сваім «УКантакце».
У відэа распавядаецца гісторыя чачэнак, якія звязаліся з баевікамі «Ісламскай дзяржавы» і папрасілі ў іх грошы на дарогу ў Сірыю. Грошы дзяўчыны атрымалі, але ў Сірыю не паехалі.
У суд Сямён Кочкін прыйшоў з рэчамі.
Сямён Кочкін зʼяўляецца каардынатарам расейскага апазіцыйнага палітыка Аляксея Навальнага ў горадзе Чэбаксары.
ЮВ, belsat.eu, паводле cheby24.ru