Пуцін раптоўна правярае боегатовасць войска перад вучэннямі з Манголіяй і Кітаем


Праверка, якая ўключае комплекс з 16 спецыяльных вучэнняў, праводзіцца напярэдадні маштабных вучэнняў «Усход-2018».

Пра гэта паведаміў міністр абароны Расеі Сяргей Шайгу.

Яна праходзіць з 20 да 25 жніўня ў воінскіх частках Цэнтральнай і Усходняй вайсковых акруг, паветрана-дэсантных войсках, далёкай і вайскова-транспартавай авіяцыі.

У вучэннях «Усход-2018», якія адбудуцца ў верасні, прымуць удзел войскі Манголіі ды Кітаю:

«Будуць задзейнічаныя органы кіравання і падраздзяленні Народна-вызваленчай арміі Кітаю ды Узброеныя сілы Манголіі. Гэта найбуйнейшае з часу манеўраў «Захад-81» мерапрыемства для падрыхтоўкі ўзброеных сілаў, якое набыло статус міжнародных вучэнняў, мае беспрэцэдэнтныя маштабы як у прасторавым размаху, гэтак і ў колькасці задзейнічаных органаў вайсковага кіравання, арміяў і сілаў», – адзначыў Шайгу.

ДР belsat.eu

Стужка навінаў