Прысуды за «Першамай» у Менску: Ніну Багінскую аштрафавалі на 1150 рублёў


Суд Цэнтральнага раёну Менску сёння разгледзеў адміністратыўныя справы ўдзельнікаў несанкцыянаванага першамайскага мітынгу на Кастрычніцкай плошчы і шэсця ў Менску.

Вядомая палітычнаматываванымі прысудамі суддзя Вікторыя Шабуня вынесла рашэнне завочна аштрафаваць пенсіянерку Ніну Багінскую на 50 базавых велічынь.

Сама актывістка ў суд не прыйшла. Сведкі-амапаўцы пазналі яе наздымках з акцыі з бел-чырвона-белым сцягам. Сведкі казалі, што Ніна Багінская выкрыквала лозунгі «Баста!» і «Жыве Беларусь!».

Агулам з 2016 году яна павінна выплаціць дзяржаве больш за 18 тысяч рублёў. Гэта штрафы за ўдзел у несанкцыянаваных акцыях і адзіночных пікетах.

Алега Макоўскага аштрафавалі на 230 рублёў.

Дзмітрыя Сільчанку на 50 базавых велічынь.

ДР belsat.eu паводле svaboda.org

Глядзі таксама
Каментары