Прэмʼера «Прывату» ад Валярыны Куставай – сёння на «Белсаце»


Валярына шчыра падзеліцца з гледачамі сваймі таямніцамі і распытае пра жыццёвыя сакрэты сваіх суразмоўцаў. Героі праграмы распавядуць пра тое, чым яны не дзеляцца нават з сябрамі. «Прыват» – душэўна пра чалавека.

Паэтка Валярына Кустава працягвае інтрыгаваць. З новага году на «Белсаце» распачынаецца яе аўтарская праграма «Прыват» – пра нашыя самыя глыбокія таямніцы.

Тэма прэмʼернага выдання – «Сіці, гудбай!». Шмат хто з «дзяцей асфальту» марыць пра жыццё па кальцавой. Некаторыя, каб пачуць і адчуць сябе, збягаюць ад цывілізацыі як мага далей. Але застацца сам-насам з прыродай або нават з каханым чалавекам – рызыкоўна: на свет можа выйсці самае нечаканае.

«Прыват» з Валярынай Куставай сустрэўся з тымі, хто перабраўся на вёску. Ці складана на гэта наважыцца? Гэта ўцёкі ад сябе ці да сябе? Госць студыі – паспяховы бізнесовец, эканамічны аналітык Серж Наўродскі, які пажыў у ЗША, Даніі ды Польшчы, а цяпер жыве ў доме-мары ў Валожынскім раёне са сваймі дзецьмі. Аднак гэтае шчасце даецца яму няпроста.

Прэмʼера новай праграмы Валярыны Куставай на «Белсаце» – у сераду, 20 студзеня, а 21:40.

Станьце героем «Прывату» і сачыце за падрыхтоўкай выданняў на старонках праграмы ў сацыяльных сетках: у «Фэйсбуку», «вКонтакте» ды «Інстаграме».

Глядзі таксама
Каментары