Транспартныя прадпрыемствы страчваюць рынак Еўропы і прыглядаюцца да Азербайджану і Грузіі.
Айчынныя перавозчыкі страчваюць еўрапейскі рынак. У размове з выданнем Naviny.by бізнесоўцы вінавацяць у гэтым эмбарга на еўрапейскія прадукты, якое ўвяла Расея. Больш за ўсё ад расейскіх санкцый церпяць перавозчыкі, якія вазілі тавары прычэпамі-рэфрыжэратарамі.
«У межах 15% гарантавана стаўкі ўпалі», – адзначае намеснік гендырэктара Асацыяцыі міжнародных аўтамабільных перавозчыкаў Мікалай Верхавец.
Дырэктар гарадзенскай кампаніі «Белмагістраль» Станіслаў Савіцкі распавядае аб спробах патрапіць на новыя рынкі замест еўрапейскага – у першую чаргу на азербайджанскі, армянскі і грузінскі.
Таксама беларускія перавозчыкі спадзяюцца скарыстацца дамовай паміж Беларуссю і Расеяй аб дадатковых пастаўках.
Фота: cargolt.by