Ружовы гальштук брэнду амерыканскага прэзідэнта Малкалму Тэрнбулу ўручылі падчас ягонага візіту ў Копцкую праваслаўную царкву ў Сіднэі (Аўстралія).
Падарунак кіраўніку ўраду зрабіў Патрыярх Александрыйскі Феадор ІІ і праваслаўны епіскап Дэніэл.
У студзені медыі паведамілі, што падчас тэлефоннай размовы Тэрнбула і Доналда Трампа аўстраліец кінуў слухаўку. Пазней аўстралійскі прэмʼер зняпраўдзіў гэтую інфармацыю.
Малкалм Тэрнбул ацаніў жарт праваслаўных іерархаў і прадэманстраваў падарунак прэсе, якая прысутнічала на сустрэчы.
Копцкая праваслаўная царква Александрыі – афіцыйная назва хрысціянскай царквы ў Егіпце. Была заснаваная, паводле падання, Св. Евангелістам Маркам у 63 н. э. у Александрыі. Усяго ў свеце каля 400 абшчынаў. У Аўстраліі богаслужэнне вядзецца на ангельскай копцкай мовах.
У красавіку ў копцкай царкве «Мар Гіргіс» у Егіпецкім горадзе Танта прагрымеў выбух. У выніку тэракту загінула каля 30 асобаў.
ЮВ, belsat.eu, паводле sbs.com.au
