Беларусы выязджаюць працаваць у Польшчу
Савет міністраў вызначыў прагнозы па беспрацоўі на 2018 год.
Дакумент, апублікаваны на сайце ўраду, вызначае паквартальныя паказнікі «у галіне садзейнічання занятасці насельніцтва».
Згодна з пастановай, узровень зарэгістраванага беспрацоўя ў Віцебскай вобласці цягам года не павінен перавышаць 1,3 %, у Берасцейскай ды Гомельскай – 1,2 %, у Гарадзенскай ды Магілёўскай – 1,1 %, у Менскай вобласці – 1 %, у Менску – 0,5 %. Агулам па краіне беспрацоўе за год не павінна перавышаць 1 %.
Разам з тым у мінулым годзе польскія кансулаты ў Беларусі выдалі больш як 35 тысяч працоўных візаў. Гэта амаль на 20 тысячаў болей, чым у 2016-м годзе. І ў 7 разоў болей, чым у 2015-м годзе.
НМ, belsat.eu