«Мы бачым, што ва Украіне выкарыстоўваюць тыя метады і тыя сілы, якія могуць пры супадзенні некаторых абставінаў выкарыстоўвацца і супраць Літвы», – падкрэсліў у размове з «Белсатам» чалец парламенцкага камітэту нацыянальнай бяспекі і абароны Арвідас Анушаўскас.
Расейцы мадэрнізавалі і ўзмацнілі свае вайсковыя сілы ў Калінінградскай вобласці, падкрэсліў літоўскі парламентар. «Яны [вайсковыя сілы – belsat.eu] не такія, якія былі 10 гадоў таму – вельмі мабільныя і хуткія. Небяспека і пагрозы не зменшыліся, а наадварот праз дзеянні Расеі яны ўзраслі», – заўважыў спадар Анушаўскас.
Больш – у відэаматэрыяле.
МЯ, belsat.eu
