Польскія парламентарыі наведалі Курапаты і ўсклалі вянкі ў памяць расстраляных

photo

Польская дэлегацыя ў Курапатах

Парламенцкая дэлегацыя Польшчы на чале з віцэ-спікерам Сейму Рышардам Тэрлецкім уганаравала памяць ахвяраў сталінскіх рэпрэсіяў, пахаваных ва ўрочышчы Курапаты.

Дэлегацыю суправаджаў амбасадар Польшчы ў Беларусі Конрад Паўлік. Польскія парламентарыі ўсклалі адзін вянок да мемарыяльнага крыжа, усталяванага ў памяць польскіх вайскоўцаў, забітых НКВД у 1940-1941 гадах, сярод якіх было шмат беларусаў.

Другі вянок усклалі ў памяць пра ўсіх ахвяраў сталінскага рэжыму. Пазней польскія дэпутаты спаткаліся з прадстаўнікамі польскай дыяспары ў Беларусі.

Віцэ-спікер Сейму Рышард Тэрлецкі (справа) і пасол Польшчы Конрад Паўлік (у цэнтры)

Віцэ-спікер Сейму Рышард Тэрлецкі (справа) і пасол Польшчы Конрад Паўлік (у цэнтры)

Ушанаванне памяці польскіх афіцэраў

Ушанаванне памяці польскіх афіцэраў

Вянок памяці ахвяраў сталінскіх рэпрэсіяў

Вянок памяці ахвяраў сталінскіх рэпрэсіяў

Парламентарыі паразмаўлялі з прадстаўнікамі польскай дыяспары ў Беларусі

Вянок памяці ахвяраў сталінскіх рэпрэсіяў

Усе фота:

У Курапатах знаходзяцца месцы пахаванняў ахвяр масавых расстрэлаў у 1937-1941 гадах. Паводле розных ацэнак, колькасць ахвяр можа складаць ад 7 тыс. чалавек да нават больш за 250 тыс.

Парламенцкая дэлегацыя Польшчы прыбыла ў Беларусь 2-га жніўня. Польскія дэпутаты на чале з віцэ-спікерам Сейму Рышардам Тэрлецкім спаткаліся са старшынёй Палаты прадстаўнікоў Нацыянальнага сходу Беларусі Уладзімірам Андрэйчанкам, а пасля са старшынёй Савету Рэспублікі Міхаілам Мясніковічам.

На 3-га жніўня дэлегацыя запланавала, апрача наведвання Курапатаў, спатканне з намеснікам міністра замежных спраў Беларусі Аленай Купчыной і мітрапалітам Менска-Магілёўскім, арцыбіскупам Тадэвушам Кандрусевічам.

4-га жніўня пройдуць сустрэчы з прадстаўнікамі мясцовых уладаў і польскай супольнасці ў Баранавічах, у Берасці дэлегацыя пагутарыць з польскімі бізнесоўцамі, якія інвестуюць у Беларусь.

МЯ, belsat.eu

Глядзі таксама
Каментары