Пінск пратэстуе супраць дэкрэту № 3. Онлайн

video

Акцыя прайшла на плошчы Леніна.

15:28 Здымачную групу Belsat.eu затрымалі ДАІшнікі. Некалькі хвілінаў хлопцы ехалі ў суправаджэнні аўтамабіляў з мігалкамі. Пазней міліцыянты знялі «картэж».

15:12 Блогер Максім Філіповіч едзе ў Гомель. Магчыма, наўпроставую трансляцыю будзе весці ягоны калега блогер Сяргей Пятрухін.

14:52 Людзі не разыходзяцца. Да іх падыходзяць мясцовыя, якія скардзяцца, што ім не даюць прайсці па вуліцы.

14:00 Каля 50 удзельнікаў акцыі ідуць разам з блогерам Максімам Філіповічам на чыгуначны вакзал. Людзі хочуць перадухіліць ягонае затрыманне.

Гадзінай раней людзі ў цывільным спрабавалі скрасці блогера.

13:44 Старшыня руху «За Свабоду» арыштаваны на 15 сутак. Актывіст АГП Дзяніс Красачка, які 11 сакавіка быў затрыманы, атрымаў штраф 50 базавых, Аляксандр Панамароў, жыхар Маладзечна, 10 сутак, Вольга Кавалькова 7 сутак. Усе яны бралі ўдзел у акцыі супраць дэкрэту № 3 у горадзе Маладзечна.

13:34 Паводле блогера Максіма Філіповіча, міліцыя затрымала трох удзельнакаў пратэсту.

13:10 Непадалёк ад месца правядзення акцыі знаходзіцца аўтазак.

13:00 У акцыі бярэ ўдзел не менш за 1000 асобаў. На плошчы працуюць рабочыя. Ідзе рэстаўрацыя помніка Леніну. Рабочыя перакладваюць плітку.

12:41 На гомельскага блогера Максіма Філіповіча напалі людзі ў цывільным.

12:39 Бабруйскія медыі паведамляюць пра затрыманні актывістаў напярэдадні акцыі пратэсту.

12:37 Некаторыя ўдзельнікі акцыі пратэсту мяркуюць, што медыі і апазіцыя арганізавалі маршы недармаедаў.

12:30 Людзі скардзяцца на беспрацоўе і заклікаюць на акцыю 25 сакавіка ў Менску ды патрабуюць адстаўкі кіраўніка Беларусі.

12:06 Прадстаўнік пінскай міліцыі: акцыя несанкцыянаваная. Удзельнікі акцыі (каля 400 асобаў) адказалі праваахоўніку воклічамі «Ганьба!».

12:00 Некаторыя ўдзельнікі акцыі прыйшлі на акцыю з дзяржаўным сцягам.

11:55 На цэнтральнай плошчы гораду сабралася каля 200-300 асобаў.

11:06 Плошча Леніна агароджаная. Мінімум два выезды з гораду заблакаваныя ДАІшнікамі і АМАПам.

11 сакавіка ў цэнтры Пінску ў межах кампаніі «Мы не дармаеды» праходзіць акцыя пратэсту супраць Дэкрэту № 3.

Сакавіцкая хваля пратэстаў

Пінская дэманстрацыя трэцяя па ліку (пасля Берасця і Маладзечна) сакавіцкая акцыя супраць дармаедскага падатку.

Расклад пратэстаў.

ЮВ, ДД; фота вокладкі: Раман Пратасевіч

Глядзі таксама
Каментары