Песня салідарнасці са змагарамі супраць рэжыму

video

З нагоды Дня Волі сябры Беларуска-Амерыканскага Згуртавання «Пагоня» з Нью-Ёрку упершыню выканалі на відэа песню «Годзе! До!».

Відэазапісам яны падзяліліся з намі. А нашая рэдакцыя вырашыла падзяліцца з вамі, паважаныя чытачы старонкі belsat.eu.

Паводле сябраў нью-ёркскага БАЗ «Пагоня», песня выражае салідарнасць са змагарамі супраць рэжыму ды  выступае за чалавечую годнасць на Бацькаўшчыне.

Над намі Бог і наш штандар,
Насупраць нас звырод.

Ён мне ня сябра і ня брат
Падобы не знаходзь
Ён прайдзісвет, ён супарат
І я кажу: «Сыходзь!»

Годзе! Годзе! Годзе! До!
Годзе! Годзе! Годзе! До!
Годзе! Годзе! Годзе! До!
Годзе! Годзе! До!

Ён дзень у ноч ператварыў,
Хацеў, каб слеплі мы.
Ён вёў таго, хто не ўміраў,
Да торбы і турмы

Ён хлусіў нам, што трэба ў бой
Для новых заваёў.
Сыходзь і забірай з сабой
І слуг, і халуёў!

Я ўладар сваёй зямлі
Я за яе грудзьмі,
Каб мы былі, каб мы жылі
Ня быдлам, а людзьмі

Прыходзіць дзень, прыходзіць час
Ня так, ня мімаходзь.
Дык хай гучыць у кожным з нас
Няўмольнае: «Сыходзь!»

Глядзі таксама
Каментары