Паўночная Карэя паказала сваё цяжкае ўзбраенне (ВІДЭА)


У Паўночнай Карэі прайшло маштабнае святкаванне 85-годдзя заснавання арміі.

З гэтай нагоды на ўсходнім узбярэжжы краіны зладзілі сапраўдны артабстрэл з ужываннем знішчальнікаў, танкаў, сістэмаў залпавага агню, за якім назіраў паўночнакарэйскі лідар Кім Чэн Ын разам з высокімі вайсковымі начальнікамі.

Відэакадры з падзеі 28 красавіка апублікавала дзяржаўнае тэлебачанне Паўночнай Карэі «KRT».

25 красавіка ў Паўднёвай Карэі заявілі, што Паўночная Карэя адзначыла гадавіну заснавання сваёй арміі разгортваннем вялікай колькасці дальнабойнай артылерыі на сваім усходнім узбярэжжы.

Паўночная Карэя тэхнічна знаходзіцца ў стане вайны з Паўднёвай, бо іх канфлікт 1950-53 закончыўся перамірʼем – дамовы аб міры так і не была падпісаная. Паўночная Карэя рэгулярна пагражае знішчыць ЗША і кажа, што будзе развіваць свае ядравыя і ракетныя праграмы, каб супрацьстаяць меркаванай агрэсіі з боку ЗША.

Чытайце таксама:

НМ, belsat.eu

Глядзі таксама
Каментары