У Смаргонскім раёне супрацоўнікі па барацьбе з эканамічнымі злачынствамі разам з памежнікамі канфіскавалі буйную партыю кантрафактнай алкагольнай прадукцыі.
Сілавікі спынілі мікрааўтобус, якім кіраваў беспрацоўны мужчына. Падчас дагляду аўтамабіля яны знайшлі вялікую колькасць 10-літровых каністраў з вадкасцю, якая ўтрымлівае спірт. Агулам у машыне знаходзілася 680 літраў сурагату.
Мужчына патлумачыў, што ўсе гэтыя каністры ён знайшоў на прыпынку грамадскага транспарту.
Міліцыя не паведамляе пра ўжытыя ў дачыненні да мужчыны меры.
ГА, belsat.eu паводле uvd.grodno.by