Экіпажу ўдалося пасадзіць самалёт на адным рухавіку.
Уночы на суботу пасажырскі лайнер Ан-148, які ляцеў па рэйсе Пенза–Сочы, сутыкнуўся з чарадой птушак і пашкодзіў рухавік.
«Камандзір Ан-148 паведаміў аб сутыкненні з птушкамі падчас набору вышыні, а пазней – аб падазрэнні на адмову аднаго з рухавікоў. Паветранае судна неадкладна было накіравана на запасны аэрадром у Саратаве для вымушанай пасадкі», – распавялі дыспетчары.
Экіпажу ўдалося пасадзіць самалёт на адным працоўным рухавіку. З борта эвакуявалі амаль 80 пасажыраў. Тэхнікі наземных службаў прыступілі да агляду няспраўнага рухавіка і выявілі сляды сутыкнення з птушкамі.
«Выведзеныя з ладу лапаткі вентылятара, – цытуе тэхнікаў «Інтэрфакс». – Рухавік у такім стане непрацаздольны«.
Праз некаторы час пасажыры працягнулі палёт на запасным самалёце.
ДД
