Памёр Фідэль Кастра


Былы кіраўнік Кубы памёр на 91-м годзе жыцця.

Пра смерць кубінскага лідара ў ноч на 26 лістапада паведаміла дзяржаўнае тэлебачанне Кубы. Цела кубінскага лідара крэміруюць у адпаведнасці з апошняй воляй нябожчыка.

Фідэль Кастра нарадзіўся 13 жніўня 1926 года на Кубе. Ён атрымаў юрыдычную адукацыю ў Гаванскім універсітэце.

Калі ў 1952 годзе ўладу ў краіне ў выніку ваеннага перавароту захапіў Фульхенсіо Батыста, Кастра з групай аднадумцаў пачаў падрыхтоўку ўзброенага супраціву. За гэта ён два гады правёў у турме.

Пасля вызвалення Кастра працягнуў падрыхтоўку да рэвалюцыі ў Мексіцы. У 1959 годзе Паўстанцкая армія ўзяла Гавану. З гэтага моманту і да 2008 года Кастра кіраваў Кубай, займаючы розныя дзяржаўныя пасады.

1972 год. Прэм'ер Кубы Фідэль Кастра падчас візіту ў Румынію. Фота: REUTERS
1972 год. Прэм'ер Кубы Фідэль Кастра падчас візіту ў Румынію. Фота: REUTERS
2006 год. Фідэль Кастра выступае ў Венесуэле. Фота: REUTERS
2006 год. Фідэль Кастра выступае ў Венесуэле. Фота: REUTERS

Кастра перадаў кіраўніцтва Кубай свайму брату Раулю ў 2008 годзе праз пагаршэнне стану здароўя. У 2011 годзе Фідэль Кастра пакінуў пасаду першага сакратара ЦК Кампартыі.

2000 год. Аляксандр Лукашэнка і Фідэль Кастра Фота: АР
2000 год. Аляксандр Лукашэнка і Фідэль Кастра Фота: АР

ЮВ, belsat.eu

Глядзі таксама
Каментары