Заслужаны і Народны артыст БССР памёр на 86-м годзе жыцця.
Расціслаў Янкоўскі нарадзіўся ў 1930 годзе ў Адэсе ў сямʼі шляхціца з беларуска-польскімі каранямі. У Беларусь пераехаў у 1957-м. Працаваў у Расейскім тэатры.
Ягоны брат Алег Янкоўскі быў папулярным акторам савецкага і расейскага кіно.
Расціслаў Янкоўскі быў прыхільнікам Аляксандра Лукашэнкі. Працаваў членам Савету Рэспублікі. У апошнія гады жыцця кіраваў журы кінафестывалю «Лістапад».
«Вялікі актор заўсёды будзе жыць у ролях, бліскуча сыграных ім, а добры і шчыры, адкрыты і светлы, унікальны, мужны чалавек – назаўжды застанецца ў сэрцах родных і сяброў, у памяці мільёнаў людзей, для якіх ён быў, ёсць і будзе кумірам», – гаворыцца ў паведамленні адміністрацыі Нацыянальнага акадэмічнага драматычнага тэатру імя Максіма Горкага, артыстам якога быў Янкоўскі.
Развітанне з артыстам пройдзе 28 чэрвеня а 10:00 на Вялікай сцэне тэатру.
Фота: souzveche.ru
ЮВ, belsat.eu