Пра смерць жанчыны паведаміла прадстаўніца Следчага камітэту Юлія Ганчарова.
«Адна з пацярпелых падчас выбуху на «Магілёўдрэве» памерла ва ўстанове аховы здароўя. Расследаванне крымінальнай справы працягваецца. Прычына трагедыі вызначаецца», – напісала Юлія Ганчарова ў Facebook.
Выбух на прадпрыемстве здарыўся 25 верасня ў фарбавальнай камеры мэблевага цэху №1, дзе часткова былі разбураныя сцены з сэндвіч-панэляў, 6 аконных блокаў і шкло.
6 асобаў забралі ў гарадскія шпіталі. Пасля трох чалавек, якія найбольш пацярпелі (больш 50 % плошчы цела) і знаходзіліся ў цяжкім стане, перавезлі ў Менск у спецыялізаванае апёкавае адзяленне.
ДР belsat.eu
