Знаны польскі журналіст і музычны крытык актыўна падтрымліваў беларусаў, які быў вядоўцам канцэртаў «Салідарныя з Беларуссю» у 2009 і 2011 гг., пайшоў з жыцця ва ўзросце 48 гадоў.
«Я асабіста быў з ім знаёмы. Гэта быў вельмі адкрыты і шчыры чалавек, падтрымліваў Беларусь, – гаворыць дакументаліст Антось Цялежнікаў. – Я з ім пазнаёміўся падчас акцыі салідарнасці з Украінаю, калі там адбыўся першы Майдан. Потым Робэрт заангажаваўся і ў беларускія справы. Вёў канцэрт «Салідарныя з Беларуссю», дапамагаў арганізоўваць беларускія музычныя імпрэзы, шчыра спачуваў нам, беларусам і падтрымліваў памкненні да свабоды. Гэта вельмі сумная навіна».
Робэрт Ляшчыньскі падтрымліваў беларускіх музыкаў і быў аматарам беларускага року.
МЛ, belsat.eu