Мужчына ў стане алкагольнага апʼянення вяртаўся з працы і вырашыў скараціць шлях дадому – пайшоў праз лес.
Праз некаторы час мужчына зразумеў, што заблукаў і патэлефанаваў у МНС.
Неўзабаве ратавальнікі знайшлі мужчыну. За парушэнне забароны на наведванне лясоў яго аштрафавалі, паведамляе гарадзенскае рэгіянальнае выданне «Перспектыва».
Здарэнне адбылося на тэрыторыі Скідзельскага лясгасу.
Нагадаем, што ў звязку з высокай пажарнай небяспекай у шэрагу раёнаў краіны ўвялі забарону на наведванне лясоў.
Інтэрактыўная мапа раёнаў, у якіх забаронена наведваць лясы, па спасылцы.
ЮВ, belsat.eu
