Сустрэча паміж прэзідэнтамі ЗША Баракам Оўбамам і Расеі Уладзімірам Пуціным на саміце краін Азіяцка-ціхаакіянскай эканамічнай супрацы ў сталіцы Перу Ліме працягвалася ўсяго чатыры хвіліны. Аднак, згодна з паведамленнямі Белага дому і прэс-сакратара Пуціна Дзмітрыя Пяскова, лідары ЗША і РФ паспелі абмеркаваць сітуацыю ў Сірыі і ва Украіне.
«Прэзідэнт Оўбама заклікаў прэзідэнта Пуціна выконваць абавязальніцтвы ў межах Менскіх пагадненняў», – заявіў прадстаўнік Белага дому. «Прэзідэнты выказалі шкадаванне, што не атрымалася дасягнуць прагрэсу па Украіне», – заявіў Дзмітрый Пяскоў.
У сірыйскім пытанні Оўбама падкрэсліў неабходнасць сумеснай працы кіраўнікоў вонкавапалітычных ведамстваў дзвюх краін дзеля спынення гвалту і змяншэння пакут сірыйскага народу. «Было падкрэслена, што два месяцы, якія засталіся, неабходна выкарыстоўваць для працягу пошукаў сірыйскага ўрэгулявання», – адзначыў Пяскоў, маючы на ўвазе хуткі сыход Барака Оўбамы з пасады прэзідэнта.
Як адзначае агенцтва Dpa, абодва прэзідэнты правядуць у Ліме два дні, аднак больш працяглая іхная сустрэча не прадугледжаная.
- Оўбама зняў жартаўлівы ролік пра планы пасля сыходу з паста прэзідэнта
- Оўбама і супрацоўнікі Белага дому ўзялі ўдзел у рэкламнай кампаніі «Зорных войнаў»
- Оўбама ўсміхаецца ў камеру, а Лукашэнка глядзіць убок (фотафакт)
МЯ, паводле dw.com
