Жанчына з-за кратаў перадае ўсім прывітанне і гаворыць, што яна – пасланніца Алаха.
Суд у Маскве пастанавіў на час следства змясціць Гюльчахру Бобокулаву ў ізалятар. Падчас паседжання жанчына паводзіла сябе ўпэўнена і спакойна. Журналістам яна заявіла, што забіць 4-гадовую дзяўчынку ёй загадаў Алах.
1 сакавіка жанчыну затрымалі ў Маскве каля станцыі метро «Октябрьское поле», дзе яна зʼявілася з адрэзанай галавою дзіцяці і крычала «Алах акбар».
Раней у панядзелак паведамлялася, што пасля пажару ў маскоўскай кватэры знайшлі дзіця з адрэзанай галавой. Гэта адбылося на вуліцы Народнага Апалчэння, каля той жа станцыі метро.
МЛ, belsat.eu