Лагер абаронцаў Курапатаў раніцай 25 лютага
Раніцай а 8-й у лагеры абаронцаў Курапатаў адбыўся агульны сход, на якім сабраліся каля 50 асобаў.
На сходзе прысутнічалі актывісты, а таксама мясцовыя жыхары. Ад раніцы ў лагеры знаходзяцца старшыня Партыі БНФ Аляксей Янукевіч ды сустаршыня БХД Павал Севярынец.
Учора ў Курапатах
Ноччу ніякіх інцыдэнтаў побач са скандальнай будоўляй не было. На дадзены момант будаўнічыя працы не адноўленыя. Як распавёў «Радыё Свабода» адзін з вартаўнікоў пляцоўкі, працы сёння хутчэй за ўсё не будуць адноўленыя.
Партрэты рэпрэсаваных
У самім лагеры пануе аптымістычны настрой.
Плот будаўнічай пляцоўцы ад раніцы пачалі абклейваць партрэтамі рэпрэсаваных у сталінскія часы, а таксама фотаздымкамі костак закатаваных у Курапатах, якія былі зробленыя падчас раскопак.
Чытайце таксама:
НМ, belsat.eu, паводле «Радыё Свабода»
