Трагедыя з расейскім самалётам у Сірыі не прывядзе да эскалацыі адносінаў з Ізраілем, як было тры гады таму ў стасунках паміж Масквою і Анкарой. Прэм’ер-міністр Ізраіля Бэньямін Нэтаньягу выказаў шкадаванне Уладзіміру Пуціну ў сувязі з смерцю расейскіх вайскоўцаў.
Кіраўнікі Ізраіля і Расеі правялі перамовы па тэлефоне, паведамляе ТАСС. Размова адбывалася на фоне абвінавачвання Ізраілю ў тым, што менавіта ізраільскія пілоты вінаватыя ў гібелі расейскага самалёта і вайскоўцаў. Масква была гатова да таго, каб увесці адказныя меры ў дачыненні да Тэль-Авіва.
Нягледзячы на закіды Расеі, самалёт быў знішчаны менавіта сірыйскім СПА, а ў прыватнасці расейскім жа комплексам С-200. Але Мінабароны Расеі сцвярджае, што ізраільскія знішчальнікі «схаваліся за расейскім самалётам», такім чынам падставілі яго пад удар ракеты. Расея палічыла гэта правакацыяй і варожымі дзеяннямі.
Ізраіль жа пераконвае, што насамрэч адказнасць за інцыдэнт нясе рэжым Башара аль-Асада.
СК, belsat.eu