Снегапад стаў прычынай некалькіх буйных аварый у Беларусі.
Самае масавае ДТЗ здарылася ў Гомельскім раёне. Тры мужчыны вярталіся з рыбалкі, кіроўца не справіўся з кіраваннем і на вялікай хуткасці пратараніў мікрааўтобус. Кіроўца і пасажыры легкавіка загінулі на месцы. Прычынай заносу маглі быць летнія апоны.
Яшчэ адно лабавое сутыкненне здарылася ў раёне Валожына. У выніку ДТЗ загінула маладая пара.
У Берасці кіроўца згубіў прытомнасць падчас руху і ўехаў у павільён. Кіроўца загінуў на месцы аварыі.
Інспектар ДАІ Станіслаў Салавей папярэджвае, што ні ў якім разе нельга ісці на абгон.
«Акрамя таго, кіроўцы павінны памятаць, што нельга рабіць рэзкіх манеўраў, ціснуць на педаль, калі аўтамабіль пайшоў у занос. Пешаходы павінны разумець, што слізкая дарога не дае кіроўцу магчымасць спыніцца нават за 10-15 метраў».
За здарэннямі ў рэжыме рэальнага часу сочаць ратавальнікі.
- Як перажыць маразы
- «Гарачая гарбата ды сала»: як менчукі ратуюцца ў мароз
- Як пераносяць маразы людзі, жывёлы ды аўты
- Душ, паесці, пераначаваць. Як ратуюць бяздомных у маразы
Мокры снег можа стаць прычынай пашкоджання лініяў электраперадач і дрэваў. МНС рэкамендуе трымацца далей ад будоўлі ды незамацаваных канструкцыяў. Сурʼёзную небяспеку для пешаходаў уяўляюць ледзяшы на дахах будынкаў.
Надворʼе палепшыцца на наступным тыдні. Сёння ў Беларусі чарговы дзень з «памаранчавым узроўнем небяспекі».
ДР belsat.eu
