Некаторыя банкі прадаюць долары па Br 20 тысяч


Новыя рэкорды ўсталяваліся падчас гандляванняў на Беларускай валютна-фондавай біржы.

Беларускі рубель працягвае слабець чацвёрты дзень запар: 14-га студзеня ён упаў на 0,97 % да кошыка валют.

Нацыянальны банк Беларусі выставіў новы курс долара ў памеры 19 тыс. 514 рублёў, што на 188 рублёў больш, чым было ўчора. Еўра прабіў адзнаку ў 21 тысячу і склаў 21 тыс. 197 рублёў (плюс 269 рублёў).

Некаторыя банкі ўжо прадаюць долар па 20 тысяч рублёў.

Нацбанк Беларусі прагназаваў, што пад канец 2016 года курс долара складзе толькі 19 тыс. 350 рублёў. Былы старшыня Нацыянальнага банку Беларусі Станіслаў Багданкевіч прагназаваў, што курс долара ў 2016-ым годзе можа перавысіць 30 тысяч рублёў

МЯ, паводле telegraf.by

Глядзі таксама
Каментары