Navi. Новы год тут, новы год там! (прэм’ера)




Гурт Navi прадставіў прадставіў новую песню, запісаную для праекту «Белсату» ды tuzin.fm «Новае пакаленне на Новы год».

«Нам вельмі хацелася перадаць цёплыя і пазітыўныя пачуцці, завязаныя з гэтым святам. У Новы год чалавек павінен адкінуць усё дрэннае, што адбывалася за год, пакінуць у думках толькі лепшае, выказаць падзяку за гэта і накіравацца ў Новы 2016, перагарнуць старонку!», – кажуць Арцём Лук’яненка і Ксенія Жук. Адмыслова для праекту «Новае пакаленне на Новы год» яны напісалі зусім новы твор. Меркавалася, што Navi праспяваюць яго разам з спеваком Юзары, прадстаўніком Беларусі на сёлетнім конкурсе «Еўрабачанне». Музыкі правялі нават некалькі рэпетыцый і былі гатовыя да запісу, але за дзень да здымак, Юзары нечакана адмовіўся ад удзелу ў праекце. Спявак патлумачыў гэта тым, што мае кантракт з Белтэлерадыёкампаніяй.

Але песня без Юзары нічога ня страціла – Navi самі нішто з сябе дуэт. Арцём і Ксюша з нецярпеннем чакаюць Новы год, які вельмі любяць. «Наагул, склалася традыцыя апошнім часам адзначаць Новы год у іншых краінах, але пры гэтым абавязкова вяртацца дамоў! Мінулы год сустрэлі ў Барліне, напрыклад. Нам цікава глядзець як адзначаюць гэтае свята іншыя ды самім весяліцца!», – кажуць музыкі.

Песня «Новы год» была запісаная для праекту «Новае пакаленне на Новы год», відэавэрсію якога можна паглядзець у ноч з 31 снежня 2015 на 1 студзеня 2016 году на тэлеканале «Белсат» ды на сайце belsat.eu. Пачатак эфіру ў 23.15 (па беларускім часе).

Нечакана год мінуў

Старонкі жыцьця перагарнуў

Толькі лепшае пакінь

Фотаздымкі ў руках тваіх

Пр.

Новы год тут, новы год там

Да нас прыйшоў ён

Новы год тут, новы год там

Да нас прыйшоў ён

Вецер хуткі, мы за ім

Усё навокал і ўнутры зазіхаціць

Колькі фарбаў і падзей

Далучайся і да нас хутчэй

Прыпеў

СБ/МЛ, belsat.eu

Стужка навінаў