Нацыянальны гістарычны музей прэзентаваў часопіс для дзяцей


Гістарычны часопіс «Музейныя вандроўкі» распавядае маленькім беларусам пра іх продкаў-рыцараў, беларускія замкі і шляхту.

Расповед вядзецца ў забаўляльнай форме і грунтуецца на экспанатах Нацыянальнага гістарычнага музею.

«У XXI стагоддзі музей павінен выходзіць на новыя ўзроўні камунікацыі з наведнікамі, у тым ліку з дапамогай лічбавых тэхналогій», – заявіла падчас нядаўняй прэзентацыі навуковы супрацоўнік Нацыянальнага гістарычнага музею Дар’я Астрагаловая.

На 26 старонках распавядаецца пра эпоху Сярэднявечча, рыцараў і шляхецтва ў Беларусі, а таксама пра замкі на тэрыторыі нашай краіны.

Мяркуецца, што другі нумар «Музейных вандровак» выйдзе 1 снежня. Праект паўстаў дзякуючы падтрыманню мабільнага аператара «Velcom».

НМ, belsat.eu

Тэгі: 
Глядзі таксама
Каментары