27-гадовы Акайед Улах помсціў за авіяўдары ЗША супраць ІД у Сірыі ды іншых кропках свету. «Натхняўся» меркаваны падрыўнік леташнім тэрактам на калядным базары ў Берліне, піша The New York Times.
Паводле паліцыі, падазраваны выбраў месца для нападу з дапамогай калядных плакатаў. Следчыя мяркуюць, што ён дзейнічаў самастойна, але вывучаюць і іншыя версіі.
Раней тэлеканал CNN са спасылкай на крыніцу ў паліцыі паведамляў, што Ула заявіў следчым, што здзейсніў напад праз «нядаўнія атакаі Ізраіля ў Газе».
Прэс-сакратар амерыканскага Міністэрства ўнутранай бяспекі Тайлер Хоўлтан заявіў, што затрыманы прыехаў у ЗША ў 2011 годзе па праграме сямейнай міграцыі.
11 снежня ў выніку выбуху на аўтавакзале Порт-Аўторыці пацярпелі чатыры чалавекі, у тым ліку раненні атрымаў сам падазраваны. Пасля другога за два месяцы тэракту ў Нью-Ёрку Доналд Трамп у чарговы раз выступіў за ўзмацненне жорсткасці міграцыйнай палітыкі.
ДР belsat.eu
