У Кіеве прайшла першая прэс-канферэнцыі Надзеі Саўчанкі.[/vc_column_text][vc_column_text]
Украінская лётчыца амаль два гады правяла ў расейскай турме. 25 траўня яна вярнулася ва Украіну. Яе абмянялі на двух працаўнікаў расейскага Галоўнага выведчага ўпраўлення Міністэрства абароны Расеі. Прызямліўшыся ў аэрапорце «Барыспаль», Надзея Саўчанка заявіла, што гатовая памерці на полі бою за Украіну.
Падчас прэс-канферэнцыі Надзея Саўчанка заявіла, што гатовая стаць прэзідэнтам Украіны.
«Я хачу міру. Мы будзем імкнуцца да гэтага любымі шляхамі. Я гатовая ваяваць і мірыцца. Гэта нашая ўкраінская зямля».
Абмен Надзеі Саўчанкі на працаўнікоў ГРУ быў добрай воляй Пуціна? – запытаўся журналіст у народнай дэпутаткі Украіны. «Да мяне прыйшлі ў камеру пасярод ночы і сказалі: збірайся! Я не ведала, куды павязуць: у Магадан ці ва Украіну. Я не ведаю, чыя гэта была воля», – зазначыла Саўчанка. Адказваючы на пытанне пра сваё стаўленне да прэзідэнта Расеі, Надзея Саўчанка была бескампрамісная. «Ёсць вош, а ёсць гніда. Для мяне Пуцін пакуль што гніда. Гэта маё першае візуальнае ўражанне пра яго»
«Я два гады глядзела расейскае тэлебачанне. Праўда, я пакуль не бачыла ўкраінскага ТБ. Але ж трэба сябраваць з галавой. Гэта прапаганда. Яны бяруць выгодныя для сябе факты і такім чынам тлумачаць анексію Крыму. Расея парушыла міжнароднае права. Як вярнуць Крым? У мяне дагэтуль застаецца адчуванне, што наспявае Трэцяя сусветная вайна, калі яна пачнецца, то Крым вернецца ва Украіну», – заявіла Надзея Саўчанка, адказваючы на пытанне, як вярнуць акупаваныя тэрыторыі.
«Не называйце мяне лётчыцаю, афіцэршаю. Пасада не прывязаная да гендару».
Напрыканцы канферэнцыі Надзея Саўчанка назвала Пуціна «гнідаю». Пазней былая закладніца Крамля разам з журналістамі выканала гімн Украіны.
Чытайце таксама >>>
МЗС Беларусі пракаментавала вызваленне Надзеі Саўчанкі
Маці Саўчанкі запісала зварот да расеек, у якім просіць іх не высылаць сыноў на Данбас
ЮВ, belsat.eu