На Нямізе пры выключаных ліхтарах беларускае войска адпрацоўвала розныя віды бою.
«Жаўнеры кажуць, што гэта рэпетыцыя Дня дэсантніка. Яны дадалі, што гэта можа быць звязана з вучэннямі «Захад-2017». На месцы прысутнічаюць сілы спецыяльных аперацыяў», – перадае з Нямігі нашая карэспандэнтка Кацярына Андрэева.
Cвята на Дзень дэсантнікаў мае адбыцца ў Менску на суботу, 29 ліпеня.
Святкаванне арганізуюць на некалькіх пляцоўках на набярэжнай Свіслачы. У праграме – вальс на БТР-80, паказальныя скачкі з парашутам ды навучальныя баі на вадзе.
БЕЛТА падае, што госці імпрэзы «Рыцары неба» змогуць паспаборнічаць у адцісканні, падцягванні, зборцы і разборцы аўтаматаў, а таксама праверыць сваю трапнасці ў ціры.
Цягам імпрэзы каля Палаца спорту можна будзе агледзець выставу ваеннай і спецыяльнай тэхнікі, зброі і рыштунку.
ДД