На Крапівенскім полі ўшанавалі памяць пра Воршу. Фотаздымкі

Фота

У гонар 504-х угодак Аршанскае бітвы мясцовыя актывісты ўсклалі кветкі да памятных знакаў.

Як і ўва ўсе апошнія гады, імпрэзу зладзілі выключна добраахвотнікі: мясцовыя улады ігнаруюць гістарычнае месца, дзе ў 1514 годзе войска ВКЛ разбіла значна большае маскоўскае.

Мясцовыя актывісты ўсклалі кветкі да памятных знакаў, узгадалі славутую перамогу ды памінулі загінулых. Фота – Віктар Старавойтаў
Бітва пад Воршаю ў час маскоўска-літоўскай вайны паміж войскамі Вялікага княства Літоўскага і Вялікага княства Маскоўскага адбылася 8 верасня 1514 года, і скончылася перамогай ВКЛ. Фота – Віктар Старавойтаў
Бітва пад Воршаю была самай значнай перамогай войска ВКЛ над расейскім, і атрымала шырокі розгалас у тагачаснай Еўропе, а таксама знайшла трывалы адбітак у беларускай культуры. Фота – Віктар Старавойтаў

ВС

Глядзі таксама
Каментары