На праваслаўнае Раство рэзка пахаладае, але сярэдняя тэмпература паветра, паводле метэаролагаў, будзе вышэй за кліматычную норму.
У панядзелак у Беларусі – мокры снег, дождж і туман, у некаторых частках краіны метэаролагі прагназуюць слабы галалёд. Тэмпература паветра на працягу сутак складзе ад мінус 2 да плюс 3 градусаў.
У сярэдзіне тыдня надвор’е пачне пагаршацца: у сераду ўзмацніцца вецер (парывы да 15–21 м/с), дзе-нідзе ў Беларусі пройдзе мяцеліца, падае pogoda.by.
Агулам, у студзені 2017 года сярэдняя месячная тэмпература паветра чакаецца на 1 градус вышэй за кліматычную норму, якая складае ад –4,5 да –8 градусаў.
«Інтэрфакс» са спасылкай на начальніка службы гідраметэаралагічных прагнозаў Рэспубліканскага цэнтру па гідраметэаралогіі, кантролю радыеактыўнага забруджвання і маніторынгу навакольнага асяроддзя Дзмітрыя Рабава падае, што фармаваць студзеньскі клімат у Беларусі будуць цыркуляцыйныя працэсы ў атмасферы, для якіх характэрна чаргаванне вільготнага і цёплага паветра з Атлантычнага акіяну і халоднага кантынентальнага паветра – таго, хто прыходзіць з усходу і паўночнага ўсходу.
«Панаванне то вільготных і цёплых, то халодных паветраных масаў створыць няўстойлівы характар надвор’я», – адзначае Дзмітрый Рабаў.
Метэаролаг кажа, што за ўвесь перыяд інструментальных назіранняў у Беларусі не было ні адной зімы без адліг. Для перыядаў адлігаў сёлета будзе характэрная пахмурнае з ападкамі (у выглядзе мокрага снегу і дажджу), вятрамі і туманамі надворʼе. У студзені ў сярэднім бывае ад 7 да 14 дзён з адлігай.
«Калі на тэрыторыю рэспублікі з поўначы і паўночнага ўсходу пачне пранікаць арктычнае паветра, будзе ўсталёўвацца марознае надворʼе. Тэмпература паветра ў такія перыяды панізіцца, пераважна па паўночным усходзе краіны, да мінус 20-22 градусаў. У марозныя перыяды могуць назірацца завеі, крупчастая і крышталічная шэрань», – папярэджвае Рабаў.
Паводле спецыяліста, месячная колькасць ападкаў у гэтым студзені будзе большай за сярэднія значэнні.
- Беларусі студзень – гэта ад 14 да 20 дзён з асадкамі, месячная колькасць якіх вагаецца ад 32 мм да 46 мм.
- Беларускі студзень – гэта ад 2 да 10 дзён з туманамі, 2–4 дні з галалёдам, 3–8 дні з мяцеліцаю.
