Прычынай аварый стала рэзкае пагаршэнне надвор’я. Праз снегапад на некаторых дарогах утварылася галалёдзіца.
На невялікім участку кальцавой дарогі ў Горадні працягласцю каля 500 метраў ад скрыжавання з вуліцай Шчорса да шляхаправоду ў раёне Азёрскай шашы адбылося некалькі ДТЗ. Пашкоджанні атрымалі 14 аўтамабіляў. У самым масавым ДТЗ адначасова сутыкнуліся 6 аўтаў.
Рух на трасе аднавілі.
Паводле сіноптыкаў, невялікі снегапад працягнецца да раніцы аўторка. Захаваецца магчымасць узнікнення галалёдзіцы.