50-мятровая канструкцыя амаль тыдзень ехала ў горад з літоўскай Клайпеды.
Платформа з вежай, перад тым як трапіць у Горадню, зрабіла цэлую адысею: спачатку з Чэхіі ў Літву, з Літвы праз пераход у Пастаўскім раёне ў Віцебскую вобласць і далей па Беларусі. Хуткасць руху – 2 км на гадзіну.
Платформа з канструкцыяй, займаючы дзве паласы на трасе, ехала ў суправаджэнні машынаў ДАІ, у населеных пунктах перад яе прыбыццём дэмантавалі дарожныя знакі ды падымалі драты… Аперацыя калі не беспрэцэдэнтная, то дакладна не будзёная для нашага рэгіёну.
Калона прызначаная для абсарбацыі нітрозных газаў вадой з утварэннем азотнай кіслаты. Кошт канструкцыі – амаль тры мільёны еўра.
На прадпрыемства калона заязджала з боку в.Верцялішкі па вул. Карскага, таму гарадзенцы, бадай, і не адчулі прыбыцця гіганту.
АС, belsat.eu
