Участковых, амапаўцаў і супрацоўнікаў ДАІ адзенуць у форму, аздобленую відэакамерамі.
Невялікія відэакамеры пачнуць з’яўляцца на форме міліцыянтаў Менску ўжо сёлета, таксама аздабленне працягнецца ў наступным годзе.
Пра гэта распавёў намеснік кіраўніка ГУУС Менгарвыканкаму Станіслаў Чучкоў. Гаворка пра супрацоўнікаў ДАІ, палка патрульна-паставой службы, атраду міліцыі асаблівага прызначэння і ўчастковых інспектараў. Мініяцюрныя камеры будуць запісваць усю іх працу.
«Партатыўныя відэарэгістратары неабходныя ў першую чаргу для абароны правоў саміх грамадзянаў. А таксама для вырашэння спрэчных сітуацыяў, якія часам узнікаюць падчас працы пералічаных падраздзяленняў», – адзначыў Станіслаў Чучкоў.
Відэакамерамі актыўна карыстаюцца супрацоўнікі КДБ, асабліва падчас масавых акцыяў – каб здымаць удзельнікаў такіх мерапрыемстваў.
НМ, belsat.eu, паводле «Менск-Навіны»