Першы еўрапейскі падводны музей (Museo Atlantico) адкрыецца 25 лютага ля берагоў іспанскага востраву Лансаротэ.
Падводная галерэя будзе складацца з чалавечых фігур, якія «ідуць» па акіянскім дне. Частка скульптур сімвалізуе еўрапейскі міграцыйны крызіс.
Усе працы, размешчаныя на глыбіні ў 14 метраў, выкананы брытанскім скульптарам і мастаком Джэйсанам Тэйларам.
Таксама ў галерэі ёсць патанулы батанічны сад, які, паводле аўтара, адсылае да пытання ўзаемаадносін з прыродай і кліматычных зменаў.
Скульптуры змогуць пабачыць не толькі нырцы, але і турысты на сушы.
ДР, belsat.eu паводле Designboom