На БелАЭС працавалі больш за 400 «студатрадаўцаў»

video

Студэнты на будоўлі АЭС

У Астраўцы адбылося закрыццё «трэцяга працоўнага семестру» студэнтаў, якія дапамагалі будаваць атамную станцыю. Акрамя беларусаў, на будоўлі працавалі студэнты з Расеі і Казахстану.

Студэнты ўдзельнічалі ў працах на будаўнічай пляцоўцы, у мантажна-арматурным цэху, пры пабудове лабараторнага комплексу, працавалі пры заліўцы бетоннай сцяжкі падлогі, выконвалі дарожныя і геадэзічныя працы, займаліся мантажам металаканструкцыяo і цеплаэнергетычнага абсталявання.

У межах міжнароднага студэнцкага атраду абʼядналі 18 студатарадаў з Беларусі, 5 з Расеі і адзін з Казахстану.

Як будуюць АЭС? Пытанні і сумневы

Пры пабудове беларускай АЭС каля Астраўца здараліся інцыдэнты, якія выклікаюць сумневы што да захавання высокіх стандартаў на будоўлі.

Гэтак у траўні дзякуючы ананімнай крыніцы «Белсату» стала вядома пра аварыю падчас заліўкі фундаменту. Некаторы час улады адмаўлялі інцыдэнт, аднак пазней прызналі, што здарэнне мела месца.

У ліпені апазіцыйны актывіст Мікалай Уласевіч распаўсюдзіў інфармацыю пра новае надзвычайнае здарэнне на АЭС. Падчас мантажу з вышыні 2 – 4 метраў на зямлю абрынуўся корпус будучага рэактара.

Інцыдэнты, а перадусім тое, што беларускія ўлады ўсяляк спрабуюць іх схаваць, абураюць не толькі беларусаў, але і ўлады Літвы. «Мы не хочам наступным разам здагадвацца, што здарылася на АЭС», – заявіў міністр навакольнага асяроддзя Літвы Кястуціс Трачокас у інтэрвʼю «Белсату».

МЛ, belsat.eu

Фота sb.by

Глядзі таксама
Каментары