Партыю ювелірных упрыгожанняў выявілі супрацоўнікі мытні «Менск-2» у пасылцы з Украіны.
У суправаджальнай дэкларацыі значылася, што ўнутры знаходзіцца кніга, якую даслалі на адрас жыхаркі Менску. Вялікая вага перадачы выклікала падазрэнні.
У пакунку знаходзілася кніга «Кіеў. Энцыклапедычны даведнік» 1981 года выпуску. Пад вокладкай мытнікі знайшлі тайнік з 23 ювелірнымі аздобамі: кольцы, завушніцы, бранзалеты, ланцужкі. Усе каштоўнасці выраблены са срэбра 925 пробы з украпінамі розных камянёў.
Нядаўна жанчына ўжо спрабавала набыць ювелірныя вырабы па пошце, аднак тады яна адмовілася ад выплаты мытных плацяжоў, таму тавар вярнулі адпраўніку.
Цяпер вядзецца праверка.
ДР belsat.eu