У Менску ў пастарунак па вуліцы Герасіменкі мужчына прынёс міну часоў Другой сусветнай вайны, якую ён знайшоў падчас палявання. Ведаючы пра тое, што ў сталіцы праходзіць аперацыя «Арсенал», мянчук вырашыў звярнуцца па дапамогу да свайго ўчастковага інспектара міліцыі і здаць небяспечную знаходку.
Маёр міліцыі Сяргей Мядзюха далажыў пра візіт у аператыўна-дзяжурную службу РУУС. Супрацоўнікі РУУС выклікалі групу размініравання. Не чакаючы спецыялістаў, старшы ўчастковы ачапіў будынак і эвакуяваў з яго ўсіх грамадзянаў (памяшканне ўчастка размешчана на першым паверсе двухпавярховага адміністрацыйнага будынку), паведамляе сайт ГУУС Менгарвыканкаму.
Групай размініравання міна ад мінамёта 50 калібру была знішчана. Ніхто не пацярпеў.
ІІ, belsat.eu