«Мутная гісторыя ў мутныя часы»: украінскае спецпадраздзяленне «Альфа» забіла партызана з данецкага атраду «Цені»?

Позна ўвечары 9 снежня 2015 года ў выніку праведзенай Службай бяспекі Украіны (СБУ) спецаперацыі спыненая дзейнасць дыверсійна-выведчай групы (ДВГ), якая працавала ў шэрагу гарадоў Украіны, у тым ліку ў Кіеве (паводле шэрагу ўкраінскіх медыяў, дыверсанты маглі працаваць на расейскую ФСБ), паведаміла на сваёй старонцы ў «Facebook» спікер СБУ Алена Гітлянская.

Спецаперацыя праводзілася ў Кіеве, Харкаве ды іншых гарадах Украіны, піша прадстаўніца СБУ ў «Facebook’у».

«Цягам содняў украінскія спецслужбы затрымалі сем членаў расейскай ДВГ (3 грамадзяніна Расеі). Восьмы – кіраўнік групы – быў забіты», паведамляе liga.net. Паводле гэтага ўплывовага ўкраінскага інфармацыйнага рэсурсу, «забіты – 50-гадовы выхадзец з Данецку, вядомы пад імёнамі Алег Мужчыль і Сяргей Аміраў (у «Facebookʼу»). Некаторы час ён быў у шэрагах арганізацыі «Правы сектар». Пазней яго выгналі з арганізацыі… Ён быў 100 – адсоткавым ФСБшнікам», піша ўкраінскае інтэрнэт-выданне, спасылаючыся на свае крыніцы ў спецслужбах. 

Кіраўнік прэс-службы «Правага сектару» Арцём Скарападскі «нягледзячы на неадназначнасць» асобы Сяргея Амірава не верыць, што ён «мог быць агентам Масквы» і называе аперацыю спецслужбаў «мутнай гісторыяй у мутныя часы».

Сяргей Аміраў меў баявую ўзнагароду «За оборону рідної держави». 

[/vc_column_text][vc_column_text]Паводле байца ДУК «Правы сектар» Ігара Загрэбельнага ад пачатку 90-х гадоў Сяргей Аміраў (Алег Мужчыль) займаўся развіццём нацыяналістычнага руху на Данбасе.

«Калі пачалася маскоўская агрэсія, займаўся тэрарыстычнай і дыверсійна-выведчай працай супраць акупантаў і мясцовых мяцежнікаў-сепаратыстаў. Пасля далучыўся да дзейнасці ДУК, але 31 жніўня выйшаў з гэтай структуры», – адзначыў баец у размове з sprotiv.org.

Паводле Загрэбельнага Алег Мужчыль, меў уласнае меркаванне і бачанне на тое, як павінна выглядаць стратэгія рэвалюцыйнага руху.

«З часткай можна было згаджацца, з часткай – не. Шмат каму ён надакучваў сваім крытыканствам – часам трапным, а часам і відавочна несправядлівым», – кажа прадстаўнік «Правага сектару».

[/vc_column_text][vc_single_image image=”60654″ img_size=”large”][vc_column_text]Украінскі палітолаг Пётр Алешчук паспрабаваў прааналізаваць аперацыю ўкраінскіх спецслужбаў і зрабіў наступны допіс у сваім «Facebookʼу».

[/vc_column_text][vc_single_image image=”60638″ img_size=”large”][vc_column_text]Сяргей Аміраў (фота з «Facebook»)

Паводле афіцыйнай інфармацыі СБУ, «у дыверсантаў канфіскавалі вялікі арсенал зброі. У хаце, дзе хаваўся кіраўнік ДВГ (Сяргей Аміраў – заўв. belsat.eu), выяўлена восем самаробных выбуховых прыладаў, чатыры кілаграмы траціла, аўтаматычная зброя, больш за сорак гранатаў і каля 2000 патронаў, а таксама кампаненты да выбуховых прыладаў і падробленыя дакументы». Падчас штурму ў хаце, дзе знаходзіўся Аміраў, быў 7-гадовы хлопчык. Дзіцё не пацярпела.[/vc_column_text][vc_video link=”https://youtu.be/EoKu1XbS6q4?t=48s”][vc_column_text]Нагадаем, што ў Кіеве працягваецца судовы працэс у дачыненні да расейцаў Яўгена Ерафеева і Аляксандра Аляксандрава, якія паводле ўкраінскіх спецслужбаў уваходзілі ў склад ДВГ падраздзялення Галоўнага выведчага ўпраўлення генштаба Расеі. У расейскім Міністэрстве абароны сцвярджаюць, што абвінавачаныя звольніліся з шэрагаў узброеных сілаў РФ яшчэ ў снежні мінулага года.

ЮВ, belsat.eu[vc_row][vc_column][/vc_column][/vc_row]