Цяпер вывучаць родную мову можна разам з нашым тэлеканалам. 3-га студзеня стартавала тэлеверсія папулярных бесплатных курсаў. Тэмай першага выпуску стала медыцына.
«Навука беларускай мовы мае быць цікавай і вясёлай», – адзначаюць аўтары праграмы «Мова Нанова».
Глядзець праграму можна кожную суботу а 20:10 у эфіры альбо архіве.
Госць першай праграмы – дзіцячы лекар-рэаніматолаг Андрэй Вітушка, вядомы не толькі сваім надзвычайным прафесіяналізмам і аўтарытэтам, але і беларускамоўнасцю.
Ці экзотыка гэта – беларускамоўны лекар? Як ставяцца калегі і пацыенты? Ці добра распрацаваная медычная лексіка? Гэта і шмат іншага – у выпуску, а таксама ў аўтарскім праекце, дзе можна знайсці дапаможны слоўнік.