Пра гэта ён напісаў у сваім «Facebook’у».
Каля 8:40 раніцы да журналісцкай сям’і Паўлюка Быкоўскага і Вольгі Быкоўскай прыйшлі з ператрусам працаўнікі Следчага камітэту (СК).
Журналіста забралі ў Следчы камітэт.
Візіт праваахоўнікаў звязаны з ператрусамі ў офісах tut.by і інфармагенцтве БелаПАН, якія адбыліся 7 жніўня. СК расследуе справу аб незаконным доступе да платнага кантэнту дзяржаўнага агенцтва БелТА.
Паводле tut.by, па стане на 8 раніцы, 8 жніўня, ператрус працягваецца.
Ключавыя моманты «справы БелТА» па стане на вечар 7 жніўня:
- Затрыманыя 8 журналістаў і рэдактараў TUT.BY і БелаПАН: Тацяна Каравянкова, Андрэй Серада, Ганна Калтыгіна, Ульяна Бабаед, Марына Золатава (правяла ноч на 8 жніўня ў ізалятары на Акрэсціна), Галіна Уласік, Дзмітрый Бобрык, Ганна Ермачонак;
- Імаверна, трое з іх цяпер у ЦІП на Акрэсціна;
- Увечары адну з рэдактарак TUT.BY Ульяну Бабаед і выпускаючага рэдактара БелаПАН Андрэя Сераду адпусцілі дадому;
- СК распачаў крымінальную справу паводле арт. 349 КК (несанкцыянаваны доступ да камп’ютарнай інфармацыі, дасканалы з іншай асабістай зацікаўленасці, які пацягнуў прычыненне істотнай шкоды), журналістаў падазраюць у «незаконным доступе» да платнай падпіскі БелТА;
- БАЖ і праваабаронцы асудзілі пераслед журналістаў і заклікалі неадкладна ўсіх вызваліць;
- МЗС Беларусі не бачыць у гэтай справе палітычнага складніку;
- Еўразвяз выказаў заклапочанасць з нагоды арыштаў.
ЮВ, belsat.eu