У Пружанах аўтамабіль ДАІ суправадзіў птушак да возера.
Пружанскім міліцыянтам патэлефанаваў неабыякавы мінак і паведаміў, што на кальцавой па праезнай частцы ідуць некалькі лебедзяў. Гэтыя «пешаходы» істотна ўскладнілі рух аўтамабіляў.
Да «парушальнікаў» выехаў супрацоўнік ДАІ. На месцы інспектар пабачыў пару дарослых лебедзяў і пяць маленькіх птушанят. Ён уключыў пробліскавыя маячкі на службовым аўтамабілі і арганізаваў прыкрыццё для птушак. Інспектару дапамагалі супрацоўнікі Дэпартамента аховы. Дзякуючы такому міліцэйскаму картэжу лебядзіная сям’я без перашкодаў дабралася да возера.
ГА, belsat.eu паводле uvd.brest.gov.by