17 кастрычніка Лукашэнка падпісаў адпаведны ўказ.
У камісіі пакуль ніякіх каментароў у сувязі з кадравым рашэннем Лукашэнкі не даюць, але адзначылі, што Лазавіка на працы ўжо не будзе.
Жонка экс-сакратара ЦВК паведаміла, што сам ён не можа даць каментар у сувязі з хваробай.
«Рашэнне прынятае з-за хваробы. І тэрмін падышоў – хутка Цэнтрвыбаркам будзе пераабірацца», – адзначыла яна.
Лазавік займаў пасаду сакратара ЦВК з 2000 года. З 2006 па 2015 гады знаходзіўся ў спісе асобаў, якім быў забаронены ўезд у ЕС у межах санкцый.
Ён зʼяўляўся дэпутатам Вярхоўнага савету Беларусі 13-га склікання, уваходзіў у камісію па дзяржаўным будаўніцтве і мясцовым самакіраванні. У 1996 годзе паставіў подпіс за імпічмент у дачыненні да Аляксандра Лукашэнкі, але затым адклікаў подпіс і пасля канстытуцыйнага рэферэндуму аб пашырэнні паўнамоцтваў прэзідэнта перайшоў у Палату прадстаўнікоў першага склікання.
ДР belsat.eu паводле БелаПАН
