Мікалай Дземідзенка: Расейскі фашызм цяпер у сваёй агрэсіўнай стадыі

video

Актывіст «Маладога фронту» Мікалай Дземідзенка паразмаўляў з «Белсатам» адразу пасля бойкі на лекцыі ідэолага «расейскага свету» Мікалая Старыкава.

«Расейскі фашызм цяпер у сваёй агрэсіўнай стадыі. Мы вымушаныя з ім змагацца. Гэта нармальна. Нас б’юць – мы б’ем. Я лічу, што гэта абсалютна нармальная сітуацыя. Ніякіх праблемаў», – адзначыў Мікалай Дземідзенка.

У актывіста, на якога накінулася адразу некалькі прыхільнікаў «расейскага свету», была кроў на вуснах. Ён адзначыў, праўда, што не ведае, хто яго збіваў. Пакуль Мікалай Дземідзенка не збіраецца пісаць заяву на нападнікаў.

На лекцыі расейскага нацыяналістычнага ідэолага Мікалая Старыкава ў Доме Масквы ўспыхнула бойка. На самым пачатку лекцыі беларускія актывісты з «Маладога фронту» выкрыкнулі «Чамадан, вакзал, Расея». Да іх адразу ж падбеглі людзі ў цывільным, пачалі агрэсіўна скручваць ім рукі ды выцягваць з залы.

МЯ, belsat.eu

Глядзі таксама
Каментары