Самаробная выбухоўка
У абед 9 траўня мужчына набраў «102» і распавёў, што ягоны бацька пагражае прадметам, падобным на гранату.
Пра інцыдэнт распавяла афіцыйны прадстаўнік Фрунзенскага РУУС Менску Наталля Аскірка.
У кватэру жылога дому па вуліцы Каменнагорская, дзе разыгралася небяспечная сцэна, прыбылі міліцыянты. Яны затрымалі буяна, якім аказаўся 54-гадовы токар.
Падчас агляду кватэры былі знойдзеныя тры металічныя прадметы, вонкава яны вельмі нагадвалі выбуховае прыстасаванне. Сапёрна-піратэхнічная група в/ч 5448 усталявала, што знойдзеныя прадметы імаверна з’яўляюцца самаробнымі выбуховымі прыстасаваннямі, бо адным з рэчываў, што знаходзілася ўзнутры, быў порах. Прызначаная экспертыза.
Падчас высвятлення абставінаў інцыдэнту, выявілася, што паміж затрыманым мужчынам, які знаходзіўся ў стане алкагольнага ап’янення, яго былой жонкай і сынам адбыўся канфлікт.
«Супраць затрыманага распачалі крымінальную справу за пагрозу забойствам, нанясеннем цяжкіх цялесных пашкоджанняў альбо знішчэннем маёмасці. Яму можа пагражаць пакаранне ў выглядзе пазбаўлення волі тэрмінам да двух гадоў», – распавёў намеснік начальніка Фрунзенскага РУУС па ідэалагічнай працы і кадравым забеспячэнні Аляксандр Андрыеўскі.
Раней мужчына да крымінальнай адказнасці не прыцягваўся.
Глядзіце таксама:
НМ, belsat.eu