У Жлобіне 16 сваякоў асуджаных за наркотыкі людзей з Гомлю, Бабруйску, Магілёва, Буда–Кашалёва і Жлобіна запісалі пранізлівы відэазварот да грамадскасці, Лукашэнкі, міліцыянтаў, суддзяў, дэпутатаў ды праваслаўнай царквы.
Маці і блізкія асуджаных кажуць пра надта жорсткія і несправядлівыя прысуды ў дачыненні да распаўсюджвальнікаў, пра барацьбу праваахоўных органаў з нарказалежнымі, а не з наркотыкамі, пра міліцэйскае бязмежжа і судовыя памылкі падчас разглядаў спраў па наркатычнаму артыкулу 328 КК РБ.
Актывісты «Матчынага руху» заклікаюць да шырокага грамадскага абмеркавання праблемы і дыялогу грамадскасці з міліцыяй, суддзямі, мытнікамі, медыкамі, педагогамі з мэтай прафілактыкі злачынстваў, звязаных з наркотыкамі.
Толькі супольнымі намаганнямі, перакананы актывісты, можна адолець наркатычную навалу, якая захлынула Беларусь.
Ларыса Шчыракова belsat.eu