«Mark Formelle» у гістарычнай калекцыі адзення памыліўся з выявай Барбары Радзівіл


Журналістка Аліна Коўшык паведаміла пра памылку ў адзенні брэнду.

Вось што яна напісала ў «Фэйсбуку»:

«Набыла новую цiшотку з гістарычнай iдалкай дзяцінства. Шчаслiвая рассякала па тэлеку пакуль не сустрэла нашую мастачку-пастаноўшчыцу. А яна мне кажа – гэта не Барбара Радзiвiлл. Як? Амаль заплакала я. У гугле такой фоткi Барбары сапраўды не сустрэла».

Да допісу журналістка далучыла фотаздымак джэмперу. Як заўважыў рэдактар «белсатаўскага» цыклу праграмаў «Загадкі беларускай гісторыі» Сяргей Пеляса, на выяве – партрэт дачкі імператара Свяшчэннай Рымскай імперыі дачкі Фердынанда I Алены альбо Барбары (аўтар – італьянскі мастак Джузэпэ Арчымбольда).

Выглядае на тое, што супрацоўнікі «Mark Formelle» сцягнулі карцінку з сацыяльнай сеткі «Pinterest», дзе нехта няправільна падпісаў партрэт.

Пра паступленне адзення з выявамі Радзівілаў і Сапегі кампанія «Mark Formelle» паведаміла 18 снежня. Акрамя згаданай няправільнай выявы Барбары Радзівіл на джэмперы трапілі партрэты Мікалая Радзівіла Чорнага і Льва Сапегі.

НМ, belsat.eu

Стужка навінаў